ПРАВІЛЫ
ўнутранага распарадку для навучэнцаўу дзяржаўнай установе адукацыі “Сольская сярэдняя школа”
1. АГУЛЬНЫЯ ПАЛАЖЭННІ
1.1. Сапраўдныя Правілы ўнутранага распарадку для навучэнцаў (далей – Правілы) распрацаваны ў адпаведнасці з Кодэксам Рэспублікі Беларусь аб адукацыі, Статутам дзяржаўнай установы адукацыі “Сольская сярэдняя школа” (далей – установа) і іншымі нарматыўнымі прававымі актамі Рэспублікі Беларусь, якія рэгулююць адносіны ў сферы агульнай сярэдняй адукацыі.
1.2. Правілы – лакальны нарматыўны прававы акт установы, абавязковы для выканання навучэнцамі.
1.3. Правілы распрацаваны з мэтай удасканалення арганізацыі адукацыйнага працэсу, умацавання дысцыпліны навучэнцаў, рацыянальнага выкарыстання імі навучальнага часу і павышэння якасці адукацыі.
1.4. Правілы ўсталёўваюць унутраны распарадак для навучэнцаў, усталёўваюць парадак выканання навучэнцамі сваіх абавязкаў у межах адукацыйнага працэсу, вызначаюць асноўныя нормы і правілы паводзін у будынку, на тэрыторыі ўстановы, а таксама на ўсіх пазашкольных мерапрыемствах з удзелам навучэнцаў.
1.5. Дадзеныя Правілы абавязковыя для выканання ўсімі навучэнцамі установы,кіраўніцтва, педагагічны калектыў установы могуць патрабаваць выканання, а навучэнцы павінны выконваць абавязкі ў адпаведнасці з патрабаваннямі дадзеных Правіл.
1.6. Педагагічныя работнікі абавязаны растлумачваць, патрабаваць і кантраляваць выкананне Правілаў, а навучэнцы абавязаны іх выконваць.
1.7. Навучэнцамі ўстановы з’яўляюцца асобы, залічаныя ў яе ва ўстаноўленым парадку для навучання і выхавання.
1.8. Пытанні, звязаныя з выкарыстаннем сапраўдных Правіл, вырашаюцца кіраўніцтвам установы ў межах прадстаўленых паўнамоцтваў.
1.9. Установа не бярэ на сябе адказнасць за захаванасць асабістых рэчаў, пакінутых без нагляду.
2. Парадак прыёму, пераводу і адлічэння навучэнцаў
2.1.Ваўстанову мае права звярнуцца за атрыманнем адукацыі кожны грамадзянін Рэспублікі Беларусь.
2.2. У першы клас установы прымаюцца ў першую чаргу дзеці, якія пражываюць на тэрыторыі мікрараёна, замацаванага за установай рашэннем адміністрацыі раёна. Дзеці, якія не пражываюць на тэрыторыі мікрараёнаў, замацаваных за ўстановай, могуць быць прыняты пры наяўнасці ваўстанове свабодных вучнёўскіх месцаў у парадку чарговасці падачы заяў іх законнымі прадстаўнікамі.
Для прыёму ў першы клас законныя прадстаўнікі дзіцяці ў перыяд з 12 чэрвеня па 28 жніўня падаюць заяву на імя дырэктара ўстановы і прадстаўляюць наступныя дакументы:
копію пасведчання аб нараджэнні дзіцяці;
даведку аб стане здароўя дзіцяці;
медыцынскую карту.
Пры прыёме дзіцяці ва ўстанову бацькі таксама прад’яўляюць дакумент, які сведчыць іх асобу.
Рашэнне аб залічэнні дзяцей ва ўстанову для навучання ў першым класе афармляецца загадам дырэктара ўстановы не пазней за 31 жніўня і даводзіцца да ведама іх законных прадстаўнікоў.
2.3. Прыём дзіцяці ва ўстановуў парадку пераводу з іншых агульнаадукацыйных устаноў для навучання ў адпаведным класе на I і на II ступенях агульнай сярэдняй адукацыі ажыццяўляецца на падставе заявы яго законных прадстаўнікоў.
Для залічэння ва ўстановуў парадку пераводу законныя прадстаўнікі навучэнца разам з заявай на імя дырэктара ўстановыпрадстаўляюць наступныя дакументы:
асабістую справу навучэнца;
даведку аб стане здароўя дзіцяці;
медыцынскую карту.
Рашэнне аб залічэнні навучэнцава ўстановуў парадку пераводу для навучання ў адпаведным класе афармляецца загадам дырэктара ўстановыне пазней за 3 дні з дня падачы заявы і даводзіцца да ведама законных прадстаўнікоў навучэнца.
2.4. Прыём ва ўстановудля навучання ў адпаведным класе на III ступені агульнай сярэдняй адукацыі ажыццяўляецца на падставе заявы на імя дырэктара ўстановыі наступных дакументаў:
пасведчання аб агульнай базавай адукацыі;
даведкі аб паспяховасці, даведкі аб навучанні (акадэмічнай даведкі) – для асоб, адлічаных з устаноў, якія забяспечваюць атрыманне прафесійна-тэхнічнай або спецыяльнай адукацыі;
даведкі аб стане здароўя дзіцяці, медыцынскай карты.
Рашэнне аб залічэнні для навучання ў адпаведным класе на III ступені агульнай сярэдняй адукацыі афармляецца загадам дырэктара ўстановыне пазней за 31 жніўня, а для асоб, адлічаных з устаноў, якія забяспечваюць атрыманне прафесійна-тэхнічнай або сярэдняй спецыяльнай адукацыі, – не пазней за 3 дні з дня падачы заявы і даводзіцца да ведама іх законных прадстаўнікоў.
У выпадку арганізацыі профільнага класа да навучання на III ступені агульнай сярэдняй адукацыі дапускаюцца навучэнцы, якія маюць па профільных прадметах адзнаку 7 і вышэй.
2.5. Установа не мае права перашкаджаць пераводу навучэнцаў у іншыя агульнаадукацыйныя ўстановы.
2.6. Навучэнцы пераводзяцца ў наступны клас рашэннем педагагічнага савета ўстановыў парадку, вызначаным Міністэрствам адукацыі Рэспублікі Беларусь.
Навучэнцы, якія скончылі пачатковую школу і атрымалі агульную пачатковую адукацыю, працягваюць навучанне і выхаванне на II ступені агульнай сярэдняй адукацыі.
2.7. Навучэнцы, якія прапусцілі больш за 45 вучэбных дзён на працягу навучальнага года па хваробе або ў сувязі з пераездам на новае месца жыхарства, могуць быць пакінутыя на паўторны год навучання па заяве іх законных прадстаўнікоў і рашэнні педагагічнага савета ўстановы.
2.8. Навучэнцы адлічваюцца зустановы:
у сувязі з завяршэннем навучання;
у сувязі з пераводам у іншыя агульнаадукацыйныя ўстановы.
Рашэнне аб адлічэнні навучэнцаў у сувязі з завяршэннем навучання прымаецца педагагічным саветам установы.
3. АРГАНІЗАЦЫЯ АДУКАЦЫЙНАГА І ВЫХАВАЎЧАГА ПРАЦЭСУ
3.1.Арганізацыя адукацыйнага і выхаваўчагапрацэсу ажыццяўляецца ў адпаведнасці з адукацыйнымі і выхаваўчыміпланамі і адукацыйнымі праграмамі, якія распрацоўваюцца на аснове адукацыйных стандартаў агульнай сярэдняй адукацыі.
3.2.Структура навучальнага года ўключае навучальныя чвэрці. Адукацыйны працэс ва ўстанове арганізуецца ў рэжыме шасцідзённага школьнага тыдня, які ўключае пяцідзённы навучальны тыдзень і адзін дзень (субота) для правядзення спартыўна-масавых, фізкультурна-аздараўленчых, іншых выхаваўчых мерапрыемстваў, арганізацыі працоўнага навучання, дадатковых адукацыйных паслуг, у тым ліку на платнай дагаварной аснове.
3.3.Асноўнай формай арганізацыі адукацыйнага працэсу з’яўляецца ўрок. Урокі ва ўстанове праводзяцца ў адну змену. Штодзённая колькасць урокаў ва ўстанове і іх паслядоўнасць вызначаюцца раскладам заняткаў, які складаецца з улікам патрабаванняў Санітарных правіл і нормаў (СанПіН) і зацвярджаецца дырэктарам установы па ўзгадненні з прафсаюзным камітэтам установы. Усе ўрокі з’яўляюцца абавязковымі для наведвання навучэнцамі адпаведных класаў.
3.4.У канікулярны часдля навучэнцаў арганізуецца правядзенне мерапрыемстваў рознай накіраванасці.
3.5.Навучальныя, факультатыўныя заняткі, заняткі гурткоў праводзяцца па раскладзе.
3.6. У выпадку адмены наступнага навучальнага занятка вучні могуць знаходзіцца ў вестыбюлі ці ў бібліятэцы ўстановы.
4. АСНОЎНЫЯ ПРАВЫ НАВУЧЭНЦАЎ
4.1. Навучэнцы маюць права на:
атрыманне адукацыі ў адпаведнасці з адукацыйнымі праграмамі;
перавод у іншую ўстанову адукацыі;
навучанне па індывідуальным вучэбным плане ў межах зместу адукацыйнай праграмы;
стварэнне спецыяльных умоў для атрымання адукацыі з улікам асаблівасцей іх псіхафізічнага развіцця;
ахову жыцця і здароўя падчас адукацыйнага працэсу;
карыстанне вучэбным абсталяваннем і сродкамі навучання, падручнікамі і навучальнымі дапаможнікамі;
канікулы;
атрыманне платных паслуг у сферы адукацыі;
бясплатнае карыстанне бібліятэкай, вучэбнай, культурна-спартыўнай базай установы;
атрыманне сацыяльна-педагагічнай і псіхалагічнай дапамогі з боку спецыялістаў установы;
заахвочванне і ўзнагароджанне за поспехі ў вучэбнай, спартыўна-масавай, грамадскай, даследчай дзейнасці;
удзел у алімпіядах, конкурсах, турнірах, канферэнцыях і іншых адукацыйных мерапрыемствах, спартыўна-масавай, грамадскай, навуковай, навукова-тэхнічнай, эксперыментальнай, інавацыйнай дзейнасці;
азнаямленне з устаноўчымі дакументамі і іншай вучэбна-праграмнай дакументацыяй;
удзел у дзіцячых грамадскіх аб’яднаннях, дзейнасць якіх не супярэчыць заканадаўству;
адкрытую адзнаку сваіх ведаў, своечасовае інфармаванне пра тэрміны правядзення кантрольных работ;
атрыманне харчавання ва ўстанове ў парадку і на ўмовах, вызначаных Урадам Рэспублікі Беларусь;
наведванне мерапрыемстваў, якія арганізуюцца ўстановай;
абарону сваіх правоў;
недатыкальнасць асабістых рэчаў;
справядлівае, паважлівае і гуманнае стаўленне да сябе з боку навучэнцаў і работнікаў установы, на павагу сваёй чалавечай годнасці і на абарону ад усіх формаў псіхалагічнага і фізічнага гвалту.
5. АСНОЎНЫЯ АБАВЯЗКІ НАВУЧЭНЦАЎ
5.1. Навучэнцы школы маюць наступныя роўныя, незалежна ад расавай прыналежнасці, нацыянальнасці, веравызнання, моўнай перавагі, узросту, сацыяльнага паходжання, матэрыяльнага і грамадскага становішча бацькоў, абавязкі:
5.1.1. добрасумленна і адказна ставіцца да засваення зместу адукацыйных праграм;
5.1.2. паважаць правы і інтарэсы іншых грамадзян, быць ветлівымі і дысцыплінаванымі;
5.1.3. не дапускаць прычынення шкоды свайму здароўю і здароўю іншых асоб, імкнуцца да маральнага, духоўнага і фізічнага развіцця і самаўдасканалення;
5.1.4. з павагай ставіцца да нацыянальнай гісторыі, культуры свайго і іншых народаў;
5.1.5.выконваць патрабаванні дырэктара, яго намесніка, настаўнікаў, патрабаванні Статута, Правілаў;
5.1.6. прытрымлівацца дзелавога стылю адзення пры наведванні вучэбных заняткаў, вызначаных раздзелам “Знешні выгляд навучэнцаў”;
5.1.7. выконваць патрабаванні правіл бяспечных паводзін навучэнцаў установы;
5.1.8. годна паводзіць сябе ва ўстанове і за яе межамі, праяўляць літасць, гуманнасць, павагу да людзей;
5.1.9. выконваць рацыянальны рэжым дня і харчавання, правілы асабістай і грамадскай гігіены;
5.1.10. надаваць належную ўвагу свайму здароўю і здароўю акружэння;
5.1.11.выконваць правілы паводзін на ўроках, пасля ўрокаў, падчас перапынкаў, у сталовай, вызначаныя раздзеламі “Правілы паводзін навучэнцаў на ўроку”, “Паводзіны навучэнцаў да ўрокаў, падчас перапынкаў і пасля заканчэння ўрокаў ва ўстанове”, “Паводзіны навучэнцаў у сталовай”;
5.1.12. наведваць заняткі ў адпаведнасці з раскладам, а ў выпадку нез’яўлення падаваць класнаму кіраўніку дакумент, які пацвярджае прычыну адсутнасці;
5.1.13. добрасумленна ставіцца да выканання дамашніх заданняў, а ў выпадку іх невыканання да пачатку ўроку праінфармаваць настаўніка;
5.1.14. пры ўваходзе ў клас настаўніка, любога дарослага ўстаць у знак прывітання(акрамя ўрокаў фізічнай культуры і здароўя, выканання кантрольнай работы);
5.1.15. прымаць удзел у творчых, спартыўных, інтэлектуальных справах класа і ўстановы (правілы паводзін, вызначаныя раздзелам “Правілы паводзін навучэнцаў на пазакласных мерапрыемствах”);
5.1.16. падаваць настаўніку дзённік для выстаўлення адзнак;
5.1.17. штотыдзень знаёміць сваіх бацькоў з запісамі ў дзённіку;
5.1.18. знаходзіцца ў памяшканні ўстановы падчас вучэбных заняткаў і не пакідаць яго без дазволу настаўніка ці дзяжурнага адміністратара;
5.1.19. выконваць законы жыццядзейнасці класнага калектыву і школьнага самакіравання;
5.1.20. беражліва ставіцца да навакольнага асяроддзя;
5.1.21. беражліва ставіцца да маёмасці ўстановы;
5.1.22. падтрымліваць чысціню і парадак на працоўным месцы, у класе, ва ўстанове, на тэрыторыі ўстановы,а таксама выконваць правілы самаабслугоўвання ў абедзеннай зале сталовай;
5.1.23. ажыццяўляць дзяжурства па класе, па ўстанове ў адпаведнасці з графікам і Палажэннем об дзяжурстве ва ўстанове адукацыі;
5.1.24. захоўваць чысціню ва ўстанове і школьным двары;
5.1.25. эканомна расходаваць электраэнергію і ваду;
5.1.26. прымаць пасільны ўдзел у падрыхтоўцы ўстановы да новага навучальнага года (вучні7-10 класаў);
5.1.27. аказваць пасільную дапамогу па добраўпарадкаванні памяшканняў установы і прышкольнай тэрыторыі;
5.1.28. беражліва ставіцца да вынікаў працы іншых людзей;
5.2.Іншыя абавязкі вучняў вызначаюцца нарматыўнымі прававымі актамі Рэспублікі Беларусь, Кодэксам Рэспублікі Беларусь аб адукацыі, палажэннямі і інструкцыямі, якія дзейнічаюць ва ўстанове.
5.3. Навучэнцам забараняецца:
5.3.1. прыносіць, перадаваць і выкарыстоўваць любыя віды зброі, любыя рэчывы, якія вядуць да выбуху і ўзгарання, газавыя балончыкі, спіртныя напоі, цыгарэты, наркатычныя рэчывы і іншыя прадметы, здольныя нанесці шкоду здароўю навучэнцаў і матэрыяльную шкоду маёмасці ўстановы, вызначанных Інструкцыяйаб арганізацыі прапускнога рэжыму ваўстанове адукацыі;
5.3.2. курыць у памяшканнях установы і ў школьным двары;
5.3.3. прымяняць фізічную сілу для высвятлення адносін або вымагальніцтва, развязваць, правакаваць бойкі ва ўстанове і ў двары ўстановы і ўдзельнічаць у іх;
5.3.4. здзяйсняць любыя дзеянні, якiя цягнуць за сабой небяспеку для навакольных, для ўласнага жыцця і здароўя;
5.3.5. ужываць грубыя выразы, лаянкавыя і нецэнзурныя словы ў адносінах да іншых навучэнцаў і да ўсіх работнікам школы, ігнараваць заўвагі, зробленыя настаўнікам або адміністратарам школы;
5.3.6. гуляць на тэрыторыі ўстановы ў карты і іншыя азартныя гульні;
5.3.7. займацца крадзяжом, здзяйсняць акты вандалізму, наносіць наўмысную шкоду маёмасці ўстановы, уласнасці навучэнцаў, работнікаў установы;
5.3.8. карыстацца мабільнымі тэлефонамі, плэерамі і іншымі прадметамі, якія не маюць адносін да адукацыйнага працэсу (правілы паводзін, вызначаны Правіламікарыстаннямабільнымі тэлефонамі ваўстанове адукацыі).
6.Знешні выгляд НАВУЧЭНЦАЎ
6.1. Навучэнцы абавязаны з’яўляцца ў школу ахайна (чыста, акуратна) апранутымі. Абутак павінен быць чыстым.
6.2. Адзенне павінна адпавядаць дзелавому стылю. Дзелавы стыль – строгі вытрыманы стыль, прызначаны для наведвання навучэнцамі вучэбных заняткаў ва ўстановах адукацыі.
6.3. Ва ўстанове прыняты адзіны элемент адзення, абавязковы для усіх вучняў –камізэлька бардовага колеру з белай акантоўкай і гербам установы.
6.4. Ва ўрачыстых выпадках адзенне навучэнцаў павінна адпавядаць моманту. Цёмныя тоны касцюмаў і светлыя кашуль і блузак. Абутак – чаравікі, пажадана на невысокім абцасе.
6.5. На ўроках фізічнай культуры навучэнцы павінны мець спецыяльную, прызначаную для заняткаў вопратку і абутак.
6.6. Навучэнцы ўстановы павінны мець зручны зменны абутак.
6.7. Навучэнцам забараняецца ў вучэбны час насіць:
адзенне з джынсавай тканіны;
вопратку, даўжыня якой не адпавядае дзелавому стылю;
вопратку з сумніўнага ўтрымання малюнкамі і надпісамі, а таксама з прасвечваючых тканін;
яркія ўпрыгажэнні, пірсінг на адкрытых участках цела;
галаўныя ўборы, верхнюю вопратку;
карыстацца яркай касметыкай, якая не адпавядае дзелавому стылю.
7.Паводзіны НАВУЧЭНЦАЎ да ўрокаў, падчас перапынкаў і пасля заканчэння Ўрокаў ВА ЎСТАНОВЕ
7.1. Навучэнец прыходзіць у школу не пазней чым за 10 хвілін да пачатку ўрокаў.
7.2. Пры ўваходзе ва ўстановунавучэнцы вітаюцца з дзяжурным адміністратарам, настаўнікам, таварышамі, распранаюцца, не штурхаючыся, здаюць верхнюю вопратку ў гардэроб.
7.3. Усе навучэнцы абавязаны быць у вучэбных памяшканнях не пазней, чым за пяць хвілін да пачатку заняткаў.
7.4. Навучэнцы, якія спазніліся, рэгіструюцца настаўнікам, атрымліваюць запіс аб спазненні ў дзённік.
7.5. Навучэнцы пасля заканчэння ўрока ўстаюць і з дазволу настаўніка спакойна выходзяць з класа.
7.6. Дзяжурныя па класе рыхтуюць памяшканне да ўроку: мыюць дошку, анучу, прыбіраюць і праветрываюць клас.
7.7. Перамяшчэнне па школе навучэнцамі робіцца крокам, забаронена штурхацца, прычыняць шкоду навакольным. Пры руху па лесвічных маршах выконваецца правабаковы рух.
7.8. Пасля заканчэння заняткаў навучэнцы разам з настаўнікам спускаюцца ў гардэроб, спакойна бяруць верхнюю вопратку і, апрануўшыся, пакідаюць памяшканне школы.
7.9. У гардэробевучні паводзяць сябе спакойна, распранаюцца, гульні і валтузня забароненыя.
8. Правілы паводзін навучэнцаў на ўроку
8.1. Навучэнцы за 2 хвіліны да званка павінны заняць свае месцы за навучальнымі сталамі і падрыхтаваць усё неабходнае да ўрока.
8.2. Пры ўваходзе настаўніка ў клас навучэнцы ўстаюць у знак прывітання і садзяцца пасля таго, як педагог адкажа на прывітанне і дазволіць сесці.
8.3. Перад пачаткам урока дзяжурныя называюць навучэнцаў, якія адсутнічаюць на дадзеным уроку.
8.4. Навучэнцы, якія спазніліся, дапускаюцца на ўрок з дазволу настаўніка.
8.5. Настаўнік пачынае ўрок толькі пры наяўнасці ўсяго неабходнага для нармальнай вучэбнай працы: мел, чыстая дошка, ануча, старанна вымытая і адціснутая. Клас павінен быць чыста прыбраны і праветраны. Дзяжурныя па класе забяспечваюць такую гатоўнасць навучальнага памяшкання да кожнага ўрока.
8.6. Працоўнае месца навучэнец павінен падрыхтаваць у адпаведнасці са спецыфікай ўрока. Пералік неабходнага на кожным уроку і ў пэўныя моманты ўрока (напрыклад, на самастойнай, лабараторнай рабоце) вызначаецца настаўнікам.
8.6.1. Падручнікі і кнігі павінны быць акуратна абгорнутыя.
8.6.2. Сшыткі навучэнца павінны быць чыстымі, ахайнымі, правільна падпісанымі, з палямі.
8.6.3. Пісьмовыя прыналежнасці ў навучэнца павінны быць наступнымі: ручка, аловак, лінейка, неабходныя прыборы для выканання заданняў.
8.6.4. Дзённікі навучэнцаў павінны быць устаноўленага ўзору, у вокладцы, без упрыгожванняў і налепак. Дзённік запаўняецца навучэнцам акуратна і своечасова, правяраецца класным кіраўніком, штотыдзень падпісваецца бацькамі. Дзённік прадстаўляецца навучэнцамі па першым патрабаванні любога работніка школы.
8.7. Пры выкліку для адказу навучэнец павінен устаць і выйсці да дошкі. Дзённік ён абавязаны перадаць настаўніку для выстаўлення адзнакі.
8.8. У некаторых выпадках магчымы адказ навучэнца з месца як стоячы, так і седзячы. Парадак адказу з месца вызначаецца настаўнікам.
8.9. Навучэнцы, якія жадаюць адказваць або спытаць што-небудзь у настаўніка, абавязаны падняць руку.
8.10. Адказваючы, навучэнец кажа гучна, выразна, не спяшаючыся. Піша на дошцы акуратна, разборліва. Пры адказе з выкарыстаннем плаката, карты, схемы – напаўпавароту да класа, паказваючы ўказкай тое, што неабходна, правай ці левай рукой, у залежнасці ад размяшчэння нагляднага матэрыялу.
8.11. Падчас урока, седзячы за вучэбным сталом, навучэнец абавязаны сачыць за паставай, пастаноўкай ног, нахілам галавы.
8.12. На кожным уроку навучэнцы ў абавязковым парадку павінны выконваць комплекс практыкаванняў, вызначанных фізкульмінуткай.
8.13. Падказкі і спісванне на ўроках катэгарычна забараняюцца.
8.14. Падчас урока нельга шумець, самавольна ўставаць з месца, адцягваць увагу таварышаў староннімі гутаркамі, гульнямі і іншымі справамі. Вызначаны час павінен выкарыстоўвацца толькі для навучальных мэтаў.
8.15. Выходзіць з класа на ўроку без дазволу настаўніка забараняецца. У выпадку крайняй неабходнасці навучэнец павінен падняць руку і папрасіць дазволу выйсці ў настаўніка.
8.16. Званок з навучальнага занятка – гэта сігнал для настаўніка. Толькі калі настаўнік абвесціць аб заканчэнні навучальнага занятка, вучань мае права ўстаць, навесці чысціню і парадак на сваім працоўным месцы, выйсці з класа.
8.17. Навучэнцам неабходна ведаць і выконваць меры бяспечных паводзін на ўроках і пасля ўрокаў.
8.18. У выпадку парушэння дадзеных правілаў навучэнцамі падчас урока настаўнік запісвае адпаведныя заўвагу ў дзённік парушальніка.
9.Правілы паводзін НАВУЧЭНЦАЎ на пазакласных мерапрыемствах
9.1. Школьны вечар ці якое-небудзь пазакласнае мерапрыемства – гэта добрая сустрэча сяброў, мэта якой цікава правесці вольны час, даведацца нешта новае, сустрэцца з цікавымі людзьмі.
9.2. Гаспадарамі гэтага мерапрыемства (вечара) з’яўляюцца самі навучэнцы, яны ж нясуць галоўную адказнасць за яго поспех, арганізацыю, маральную чысціню.
9.3. Староннія асобы дапускаюцца на мерапрыемства (вечар) з дазволу арганізатараў.
9.4. Навучэнцы ў нецвярозым стане, неахайна апранутыя, у спартыўных касцюмах на мерапрыемствы (вечары) не дапускаюцца.
9.5. Катэгарычна забараняецца прыносіць і распіваць спіртныя напоі, курыць, брыдкасловіць.
9.6. Уваходзіць або пакідаць залу падчас канцэртнага нумара (выступлення) непрыстойна, неабходна дачакацца яго заканчэння.
9.7. Перарываць канцэртны нумар (выступленне) крыкам, свістам і да таго падобнае забараняецца.
9.8. Усе мерапрыемствы ў будынку ўстановы праводзяцца не пазней 21.00.
10. Паводзіны НАВУЧЭНЦАЎ у сталовай
10.1. Навучэнцы выконваюць правілы гігіены: уваходзяць у памяшканне сталовай без верхняй вопраткі, мыюць рукі перад ежай.
10.2. Навучэнцы абслугоўваюцца ў буфеце ў парадку жывой чаргі, выконваюць патрабаванні работнікаў сталовай, прытрымліваюцца парадку пры куплі ежы, праяўляюць увагу і асцярожнасць пры атрыманні і ўжыванні гарачых і вадкіх страў.
10.3. Ужываць ежу і напоі, набытыя ў сталовай і прынесеныя з сабой, дазваляецца толькі ў сталовай. Кожны навучэнец прыбірае за сабой сталовыя прыналежнасці і посуд пасля ежы.
11 ЗААХВОЧВАННІ
11.1. За поспехі ў вучобе, актыўны ўдзел у грамадскім жыцці
ўстановы навучэнцымогуць заахвочвацца аб’яўленнем падзякі,
узнагароджаннем граматай, каштоўнымі падарункаміі інш.
11.2. Навучэнцы школы заахвочваюцца за:
поспехі ў вучобе;
удзел і перамогу ў навучальных, творчых конкурсах, спартыўных спаборніцтвах;
грамадска-карысную дзейнасць.
11.3. Установа прымяняе наступныя віды заахвочванняў:
аб’ява падзякі;
узнагароджанне ганаровай граматай, дыпломам або падзячным лістом;
узнагароджанне каштоўным падарункам;
узнагароджанне падзячным лістом бацькоў навучэнца.
11.4. Заахвочванні прымяняюцца дырэктарам па прадстаўленні педагагічнага савета, класнага кіраўніка, а таксама ў адпаведнасці з палажэннямі аб конкурсах і спаборніцтвах,якія праводзяцца ва ўстанове, і абвяшчаюцца ў загадзе па ўстанове. Заахвочванні прымяняюцца ў абстаноўцы шырокай галоснасці, даводзяцца да ведама вучняў і работнікаў установы.
11.5. За выдатныя поспехі ў вучобе і прыкладныя паводзіны за перыяд навучання на ўзроўні агульнай базавай адукацыі выпускнікам выдаецца Пасведчанне аб агульнай базавай адукацыi з адзнакай. За выдатныя поспехі ў вучобе і прыкладныя паводзіны на ўзроўні агульнай сярэдняй адукацыі выпускнікі ўзнагароджваюцца залатымі, сярэбранымі медалямі з уручэннем атэстата асобага ўзору, за асаблівыя поспехі ў вывучэнні асобных прадметаў – пахвальнымі лістамі ў адпаведнасці з Палажэннем аб залатым, сярэбраным медалях i пахвальным лістом, якое зацвярджаецца урадам Рэспублікі Беларусь.
12.дысцыплінарная адказнасць
12.1. Падставамi для прыцягнення навучэнца да дысцыплінарнай адказнасці з’яўляюцца супрацьпраўнае, вiнаватае (наўмыснае ці па неасцярожнасці) невыкананне або неналежнае выкананне абавязкаў, ускладзеных на яго актамі заканадаўства, устаноўчымі дакументамі і іншымі лакальнымі нарматыўнымі прававымі актамі ўстановы адукацыі ў выглядзе наступных дзеянняў (бяздзейнасці):
спазнення або няяўкі без уважлівых прычын на навучальныя заняткі (заняткі);
парушэння дысцыпліны ў ходзе адукацыйнага працэсу;
невыканання без уважлівых прычын законнага патрабавання педагагічнага работніка;
абразы ўдзельнікаў адукацыйнага працэсу;
распаўсюджвання інфармацыі, якая наносіць шкоду здароўю навучэнцаў;
пашкоджання будынкаў, збудаванняў, абсталявання або іншай маёмасці ўстановы;
невыканання (парушэння) патрабаванняў заканадаўства аб ахове здароўя, пажарнай бяспекі;
распіцця алкагольных напояў, слабаалкагольных напояў, піва, ужывання наркатычных сродкаў, псіхатропных, таксічных і іншых адурманьваючых рэчываў у будынку і на тэрыторыі ўстановы або з’яўлення ў названых месцах у стане алкагольнага, наркатычнага або таксічнага ап’янення;
курэння (спажывання) тытунёвых вырабаў у будынку і на тэрыторыі ўстановы;
іншых супрацьпраўных дзеянняў (бяздзейнасці).
12.2. Не прызнаецца дысцыплінарнай правінай дзеянне, якое адпавядае крытэрыям, названым у пункце 1.1, здзейсненае навучэнцам з ліку асоб з цяжкімі і (або) шматлікімі фізічнымі і (або) псіхічнымі парушэннямі.
12.3. За здзяйсненне навучэнцам дысцыплінарнай правіны ўсталёўваецца дысцыплінарная адказнасць, якая выражаецца ў прымяненні да яго мер дысцыплінарнага спагнання.
12.4. Да дысцыплінарнай адказнасці прыцягваецца навучэнец, які дасягнуў да моманту здзяйснення дысцыплінарнай правіны ўзросту чатырнаццаці гадоў, а навучэнец з ліку асоб з асаблівасцямі псіха-фізічнага развіцця – сямнаццаці гадоў.
12.5. Да навучэнца, які здзейсніў дысцыплінарны правіну і не дасягнуўна момант яго здзяйснення ўзросту, з якога настае дысцыплінарная адказнасць, а таксама да навучэнца з ліку асоб з цяжкімі і (або) шматлікімі фізічнымі і (або) псіхічнымі парушэннямі, які здзейсніў дысцыплінарную правіну, могуць прымяняцца меры педагагічнага ўздзеяння (гутарка, абмеркаванне на педагагічным савеце і іншыя меры педагагічнага ўздзеяння), якія не супярэчаць заканадаўству.
12.6. За здзяйсненне дысцыплінарнай правіны да навучэнца могуць прымяняцца наступныя меры дысцыплінарнага спагнання:
заўвага;
вымова;
адлічэнне.
12.7. Адлічэнне як мера дысцыплінарнай адказнасці можа быць прыменена за:
працяглую адсутнасць (больш за трыццаць дзён) без уважлівых прычын на вучэбных занятках на працягу навучальнага года;
сістэматычнае (паўторнае на працягу навучальнага года) невыкананне або неналежнае выкананне абавязкаў навучэнцам, калі да яго раней прымяняліся меры дысцыплінарнага спагнання.
Адлічэнне як мера дысцыплінарнага спагнання не прымяняецца да:
навучэнца, які не завяршыў засваенне зместу адукацыйнай праграмы базавай адукацыі, адукацыйнай праграмы спецыяльнай адукацыі на ўзроўні агульнай сярэдняй адукацыі для асоб з інтэлектуальнай недастатковасцю, які не прайшоў выніковую атэстацыю за перыяд атрымання агульнай базавай адукацыі пры засваенні зместу адукацыйнай праграмы спецыяльнай адукацыі на ўзроўні агульнай сярэдняй адукацыі;
навучэнца, які не дасягнуў ўзросту шаснаццаці гадоў.
Права выбару меры дысцыплінарнага спагнання належыць дырэктару ўстановы. Пры выбары меры дысцыплінарнага пакарання ўлічваюцца цяжар дысцыплінарнай правіны, прычыны і абставіны, пры якіх яна здзейснена, папярэднія паводзіны навучэнца.
12.8. Навучэнец, прыцягнуты да дысцыплінарнай адказнасці, лічыцца невінаватым, пакуль яго віна не будзе даказана і ўстаноўленая загадам аб ўжыванні меры дысцыплінарнага спагнання, выдадзеным дырэктарам установы.
12.9. Навучэнец, прыцягнуты да дысцыплінарнай адказнасці, законны прадстаўнік непаўналетняга навучэнца, які прыцягваецца да дысцыплінарнай адказнасці, маюць права:
знаёміцца з усімі матэрыяламі, якія пацвярджаюць віну навучэнца, здымаць з іх копіі;
даваць тлумачэнні і прадстаўляць доказы або адмовіцца ад дачы тлумачэнняў;
быць заслуханым у ходзе любога разбору, які закранае іх інтарэсы,прысутнічаць на ім;
атрымаць юрыдычную дапамогу ў адпаведнасці з заканадаўствам;
азнаёміцца з загадам аб прымяненні меры дысцыплінарнага спагнання і атрымаць яго копію;
абскардзіць загад аб ўжыванні меры дысцыплінарнага спагнання.
12.10. Падставамі для прыцягнення навучэнца да дысцыплінарнай адказнасці могуць служыць паведамленні мясцовых выканаўчых і распарадчых органаў, праваахоўных органаў, іншых дзяржаўных органаў і арганізацый, дакладныя запіскі педагагічных і іншых работнікаў установы.
12.11.Навучэнец можа быць прыцягнуты да дысцыплінарнай адказнасці не пазней за адзін месяц з дня выяўлення дысцыплінарнай правіны (дзень, калі аб правіне стала вядома педагагічнаму работніку ўстановы, не лічачы часу хваробы навучэнца, знаходжання яго на канікулах. Дысцыплінарнае спагнанне да непаўналетнеганавучэнца можа быць ўжыта не раней, чым праз сем каляндарных дзён пасля накіравання апавяшчэння аднаму з яго законных прадстаўнікоў.
Меры дысцыплінарнага спагнання да навучэнца не могуць быць ужытыя пазней за шэсць месяцаў з дня здзяйснення дысцыплінарнай правіны.
12.12. Рашэнне аб прымяненні меры дысцыплінарнага спагнання да навучэнца афармляецца загадам дырэктара ўстановы.
12.13. Звесткі аб прымяненні меры дысцыплінарнага спагнання заносяцца ў асабістую справу навучэнца.
12.14. Навучэнец лiчыцца не прыцягнутым да дысцыплінарнай адказнасці, калі на працягу аднаго года з дня прымянення да яго меры дысцыплінарнага спагнання ён не будзе паўторна прыцягнуты да дысцыплінарнай адказнасці. Пры гэтым дысцыплінарнае спагнанне пагашаецца аўтаматычна без выдання загаду.
12.15. Датэрміновае зняцце дысцыплінарнага спагнання афармляецца загадам дырэктара ўстановы.
13. ЗАКЛЮЧНЫЯ ПАЛАЖЭННІ
13.1. Змены і дадаткі ў сапраўдныя Правілы могуць уносіцца кіраўніцтвам, педагагічным калектывам, Саветам школы, разглядаюцца на Савеце школы і зацвярджаюцца дырэктарам.
13.2. Правілы штогод даводзяцца да ведама ўсіх навучэнцаў установы і іх бацькоў, размяшчаюцца на бачным месцы для агульнага азнаямлення і на афіцыйным сайце установы.
